नेपाल बैंक लिमिटेडले डबल धमाका मुद्दती खाता सञ्चालनमा ल्याएको छ । व्यक्तिले यो मुद्दती खातामा लगानी गरेको रकम ६ वर्ष ४ महिना २० दिनमा दुई गुणा हुने छ भने संस्थाको हकमा ७ वर्ष ३ महिनामा मुद्दतीको रकम दुईगुणा हुने बैंकले जनाएको छ ।

त्यसैगरी रेमिट्यान्सबाट प्राप्त रकम यो मुद्दती खातामा लगानी गर्दा ५ वर्ष ११ महिना २ दिनमा दुईगुणा हुने छ । बैंकका अनुसार यो मुद्दती खाता खोल्ने ग्राहकहरुले ५ लाखसम्मको क्रेडिट कार्ड सुविधालगायत अन्य सुविधा पनि प्राप्त गर्ने छन् । नेपालभरका सम्पूर्ण शाखाहरुमार्फत् यो मुद्दती खाता खोल्न सकिने बैंकले जनाएको छ ।

नेपालभर २१९ शाखाहरु, १८३ एटीएमका साथै ४७ वटा एक्सटेन्सन काउन्टरमार्फत् करिब २२ लाख ग्राहकलाई वित्तीय सेवा पुर्‍याएरहेको छ ।

प्रकाशित समय : १७:४६ बजे