नेपालमा टीभीएस टु ह्विलर्सको एकमात्र वितरक जगदम्बा मोटर्सले काठमाडौंको टोखा-३, स्थुलीस्थित सुविधासम्पन्न नयाँ शोरुम ‘टोखामी अटो हब’ सञ्चालनमा ल्याएको छ ।

ग्राहकहरुलाई टीभीएस मोटरसाइकल तथा स्कुटरको बिक्री, सेवा र स्पेयर पार्ट्स सहज रुपमा उपलब्ध गराउने उद्देश्यका साथ टोखामा नयाँ शोरुम सुरु गरिएको जगदम्बा मोटर्सले जनाएकाे छ ।

कम्पनीका उपाध्यक्ष दीपक रौनियारले भने, ‘टीभीएसमा ग्राहकहरूलाई अझ राम्रो सेवा प्रदान गर्न हामी सधैँ प्रयासरत छौं । ग्राहकहरूलाई थप प्रभावकारी र छिटोछरितो रूपमा सेवा दिन नयाँ सुविधाहरू थपिएको छ । टीभीएसले निरन्तर रूपमा आफ्ना ग्राहकहरूको सुविधा र गुणस्तरीय सेवामा ध्यान दिईरहेको छ ।’

नेपालभर १३२ भन्दा बढी डिलरहरूको बलियो राष्ट्रव्यापी वितरण सञ्जालको साथ टीभीएसले बजारमा आफ्नो बलियो पकड कायम राख्न र आफ्ना ग्राहकहरूको मनमा आफूलाई स्थान बनाउन सक्षम भएको कम्पनीले दाबी गरेको छ । जगदम्बा मोटर्स प्रालि टीभीएसको एक मात्र आधिकारिक वितरक हो ।

प्रकाशित समय : १३:०८ बजे