सर्लाहीको रामनगर गाउँपालिकाको अध्यक्ष कृष्णप्रसाद वर्माको निधन भएको छ । वर्माको ७० वर्षको उमेरमा ललितपुरस्थित मेडिसिटी अस्पतालमा उपचारका क्रममा निधन भएको हो । उच्च रक्तचाप, मधुमेह, मुटु रोगबाट पीडित वर्मा २०७४ को स्थानीय तहको निर्वाचनमा नेपाली कांग्रेसको तर्फबाट रामनगर गाउँपालिकाको अध्यक्ष पदमा निर्वाचित भएका थिए ।

उनी तत्कालीन खैर्वा गा.वि.स.को दुई पटकसम्म अध्यक्षसमेत भएका थिए । लामो समयदेखि नेपाली कांग्रेसमा निरन्तर क्रियाशील रहँदै आएका स्वर्गीय वर्माले नेपालको लोकतान्त्रिक आन्दोलनहरुमा सक्रिय भूमिका निर्वाह गरेको सम्झँदै कांग्रेसले उनको निधनप्रति दुःख व्यक्त गरेको छ । नेपाली कांग्रेसका सभापति शेरबहादुर देउवाले दुःख व्यक्त गर्दै श्रद्धाञ्जली अर्पण गरेका छन् ।

उनको निधनबाट पार्टीले एक अग्रज व्यक्तित्वलाई गुमाएको कांग्रेसले जनाएको छ । स्व. वर्माका श्रीमती र एक छोरा छन् । 

प्रकाशित समय : १६:३३ बजे