बुटवल । लुम्बिनी प्रदेश सभाको सातौँ अधिवेशनअन्तर्गत १२औँ बैठक आइतबार जारी छ।

बैठकको सुरुवातमा प्रदेश सभा सदस्यहरूले समसामयिक विषयमा विशेष समयमा आ–आफ्ना धारणा राखिरहेका छन्। यस क्रममा बसिउद्दिन खान, सीके गुप्ता, तुल्सीराम शर्मा र रत्न खत्रीले विभिन्न सामूहिक विषय उठाउँदै सरकारको ध्यानाकर्षण गराएका छन्। हाल पनि सदस्यहरूको बोल्ने क्रम जारी छ।

आजको बैठकमा उद्योग, पर्यटन तथा यातायात मन्त्री प्रचण्ड विक्रम न्यौपानेले ‘लुम्बिनी प्रज्ञा प्रतिष्ठान स्थापना तथा सञ्चालन सम्बन्धी विधेयक’ दफावार छलफलका लागि सम्बन्धित समितिमा पठाइयोस् भन्ने प्रस्ताव प्रस्तुत गर्ने कार्यसूची रहेको छ।

त्यसैगरी, प्रदेश मामिला तथा कानुन समितिका सभापति दिलकुमारी बुढाले समितिको वार्षिक प्रतिवेदन सभामा पेस गर्ने कार्यसूची पनि रहेको प्रदेश सभा सचिवालयले जनाएको छ।

प्रकाशित समय : १४:५२ बजे