नेपाल विद्युत् प्राधिकरणले भारतबाट मागेजति बिजुली नपाए लोडसेडिङ हुने बताइरहेका बेला पिकआवर बाहेकको बिजुली पाउने भएको छ । यसअघि दैनिक १२ घन्टा बिजुली आयात गर्दै आएको प्राधिकरणले बिहीबारदेखि १५ घन्टासम्म आयात गर्न पाउने भएको हो ।

भारतबाट बिहान ६ देखि साँझ ५ बजेसम्म निरन्तर बिजुली आइरहेको नेपाल विद्युत प्राधिकरणले जनाएको छ । अहिले सुक्खा मौसममा नदीनालाको बहाव कम हुँदा जलाशय र सौर्य ऊर्जासहित आन्तरिक उत्पादन औषत १ हजार १७५ मेगावाट रहेको छ । हालको उच्च माग २ हजार ७७ मेगावाट र सो समय अधिकतम उत्पादन १ हजार ५९३ मेगावाट रहेको छ । अपुग विद्युत भारतबाट आयात गरिँदै आएको छ

प्रकाशित समय : १४:१९ बजे