पोखरामा बैशाख तेस्रो साता अन्तर्राष्ट्रिय लायन्स कप भलिबल प्रतियोगिता हुने भएको छ ।

लायन्स क्लब इन्टरनेसनल डिस्ट्रिक्ट ३२५ को आयोजनामा पोखरा रङ्गशालास्थित बहुउद्देश्यीय भवनको भलिबल कोर्टमा बैशाख १८ गतेदेखि २२ गतेसम्म प्रतियोगिता हुने बिहीबार पत्रकार सम्मेलन गरेर जानकारी दिइएको हो ।

लायन्स क्लबले पहिलो पटक आयोजना गर्ने सो प्रतियोगितामा ६ टिम सहभागी हुने आयोजकले जनाएको छ । प्रतियोगितामा पाकिस्तान भलिबल क्लब (इस्लामाबाद), नेपाल पुलिस क्लब, गण्डकी प्रदेश भलिबल संघ, नेपाली सेनाको त्रिभुवन आर्मी क्लब र सशस्त्र प्रहरीको एपिएफ क्लब सहभागी हुने पक्का भएको क्लबका डिस्ट्रिक्ट गभर्नर चण्डीप्रसाद अर्यालले जानकारी दिए । उनका अनुसार एक टिमको टुंगो लागिसकेको छैन । भारत र इरानका टिमहरूसँग सहभागिताका लागि छलफल भइरहेको भन्दै उनले यी दुई टिममध्ये कुनै एक टिम सहभागी हुने उनको भनाई छ ।

प्रकाशित समय : १७:२१ बजे