जंगली हात्तीको आक्रमणमा परी मोरङको लेटाङ नगरपालिका–९ बाह्रोठेका ४२ वर्षीय मनबहादुर लिम्बूको मृत्यु भएको छ। माछा मार्न भनेर सोमबार बिहान ८ बजेतिर घरबाट निस्किएका उनी अबेरसम्म नफर्केपछि खोजी गरिएको थियो।

त्यस क्रममा घरदेखि करिब ५ किलोमिटर दक्षिणमा सोमबार राति ९ बजेतिर शव फेला परेको प्रहरीले जनाएको छ।

घटनास्थलको प्रकृति हेर्दा हात्तीको आक्रमणबाट लिम्बूको मृत्यु भएको यकिन भएको उनले बताए । शव घोप्टो परेको अवस्थामा भेटिएको थियो। घटनास्थल वरपर हात्ती हिँडेको डोबहरु पनि थिए।

प्रकाशित समय : १२:४४ बजे