जोर्डनका एक व्यक्ति ३८ वर्ष सिरियाको जेलमा बिताएपछि आफ्नो देश फर्केका छन् ।

राष्ट्रपति बसर असदको पतन पछि आफ्नो परिवारको पीडादायी प्रतीक्षा समाप्त भएको भन्दै परिवारजनले खुसी ब्यक्त गरेका छन ।

ओसामा बशीर हसन अल बटायना नामका व्यक्ति सिरियामा अचेत अवस्थामा र स्मरणशक्ति गुमेको अवस्थामा फेला परेका थिए,’ जोर्डनका विदेश मन्त्रालयका सुफियन अल कोडाटले भने ।

उनका अनुसार ती मानिसका आफन्तहरूले सन् १९८६ मा उनी बेपत्ता भएको जानकारी दिएका थिए, त्यो बेला उनी जम्मा १८ वर्षको थिए । अहिले यो खुलेको छ कि उनी त्यस बेला देखि नै सिरियाको जेलमा थिए।

‘उनीलाई दमास्कसबाट जाबेर सीमा क्रसिङ जोर्डनसँग मा सारिएको थियो, जहाँ उनलाई सीमा गार्डहरूलाई सुम्पिएको थियो,’ कोडाटले थपे, ‘उक्त व्यक्तिको मंगलबार बिहान आफ्नो परिवारसँग पुनर्मिलन भएको छ ।’

आइतवार असदलाई सत्ताबाट हटाउने विपक्षी सेनाहरूले जेलहरू पनि खोलेका थिए र हजारौं बन्दीहरूलाई रिहा गरेका थिए, सोही क्रममा उनी पनि जेलमुक्त भएको जनाइएको छ । साथै, जोर्डनका मानव अधिकारका लागि अरब संगठनले सिरियामा २ सय ३६ जना जोर्डनका नागरिकलाई हिरासतमा राखिएको जनाएको छ।

नागरिक समाज र मानवअधिकार समूहहरूले लामो समयदेखि निबर्तमान राष्ट्रपति बसर अल असदलाई जेलमा मनमानी गरेको आरोप लगाउँदै आएका थिए । राष्ट्रपतिले बिना प्रमाण र बिरोध गरेको भरमा नागरिकहरूलाइ गिरफ्तारी गर्ने, यातना दिने र उस्तै परे हत्यासम्म गर्ने गरेर क्रूर शासन चलाउने गरेको जनाउँदै आएका थिए ।

एम्नेस्टी इन्टरनेशनलले सयदनाया जेलमा हजारौं हत्याको दस्तावेजीकरण गरेको छ, जसको नाम असदको शासनको सबैभन्दा खराब अत्याचारको पर्याय बनेको छ र जसलाई ‘मानव वधशाला’ भनिदै आएको छ । सिरियन अब्जर्भेटरी फर ह्युमन राइट्सले २०२२ मा अनुमान गरेको थियो कि २०११ मा विद्रोह सुरु भएदेखि गृहयुद्धको कारण जेलहरूमा १ लाख भन्दा बढी व्यक्तिको मृत्यु भएको छ ।

प्रकाशित समय : ०९:५९ बजे