ललितपुरको इमाडोलमा इनारमा खसेकी महिलाको उद्धार भएको छ। उद्धारपछि उनलाई उपचारका लागि पाटन अस्पताल लगिएको सातदोबाटो प्रहरी बृत्तका डीएसपी उमेश जोशीले जानकारी दिए ।

दोलखा घर भई इमाडोल डेरा गरी बस्ने २८ वर्षीया न्युटन प्रधान लुगा सुकाउने क्रममा इनारमाथि चढेकी थिइन्। इनारलाई छोपेको स्ल्याब फुटेपछि उनी इनारभित्र खसेकी हुन्।

नेपाली सेना, सशस्त्र प्रहरी र नेपाल प्रहरीको विपद् व्यवस्थापन टोलीले उनको उद्धार गरेको हो । उनी बोल्न सक्ने अवस्थामा रहेको डीएसपी जोशीले बताए ।

प्रकाशित समय : १५:३२ बजे