उदयपुरको बेलका नगरपालिकाका सहकारीले रसायीनिक मल विक्री गर्दा मनपरि दररेट राखेपछि पालिकाले दरभाउ तोकेको छ । आज(आईतबार) एक सूचना प्रकाशित गर्दै पालिकाले दररेट तोकेको हो ।

नगपालिकाका विभिन्न वडाका किसानहरुबाट गुनासो आएकाले बेलकाका सम्पुर्ण सहकारीलाई दररेट तोकिएको नगरले जनाएको छ ।

पालिकाले युरिया प्रति केजि २५ रुपैयाँ र डिएपी ५५ रुपैयाँ दररेट तोकेको छ । उक्त दररेट भन्दा बढीमा बिक्री गरिएको पाएमा त्यसस्ता सहकारी वा बिक्री केन्द्रलाई कारबाही गर्ने बेलकाका प्रमुख प्रशासकीय अधिकृत रमेश गौतमले सूचना मार्फत भनेका छन् ।

प्रकाशित समय : १६:५७ बजे