संकटा वाइन एण्ड बेवरेजको ट्रेड पार्टनर मिट सम्पन्न भएको छ ।

कार्यक्रममा कम्पनीका प्रमुख कार्यकारी अधिकृत कमल कार्कीले वाइन बन्ने प्रक्रिया, क्यानभासको व्राण्डिङ र कम्पनीको स्लोगन ‘पेन्ट योर रोमान्स’ बारेमा स्पष्ट पारे । ‘संसारभरि अंगुरबाट बनेको अल्कोहोविक बेवरेजलाई मात्र वाइन भन्ने मान्यता रहिआएको छ । क्यानभास वाइन नितान्त अंगुरबाट बन्ने गरेको छ,’ उनले भने ।

क्यानभास वाइन नेपालमै बनेको भए पनि विदेशी वाइनकै गुणस्तरको रहेको र विदेश निर्यातयोग्य भएको कार्कीको दाबी छ । विगतका दिनमा कम्पनी बहुपक्षीय रुपमा सञ्चालन भएकोमा हाल आएर कम्पनी व्यवस्थित र गुणस्तरीय व्यवस्थापनको रुपमा सञ्चालनमा ल्याइएको कार्कीले जानकारी दिए ।

स्वागत मन्तव्य राख्दै कम्पनीका विक्री तथा मार्केटिङ प्रमुख आशिक अधिकारीले क्यानभासको बजारको अवस्था कम्पनीको आगामी रणनिती लागायत जानकारी दिए । सन् २०१६ मा स्थापना भएको संकटा वाइन एण्ड बेवरेज हाल स्वदेशी प्रिमियम सेग्मेन्टमा बजारको अधिक्तम हिस्सा ओगटेको छ ।

नयाँ बानेश्वरमा शक्रबार भएकाे साे कार्यक्रममा मदिरा व्यवसायी महासघंका अध्यक्ष सोनाम शेर्पा, कम्पनीकी अध्यक्ष रोश्नी कार्की, कम्पनीका प्रमुख कार्यकारी अधिकृत कमल कार्की , विक्री तथा मार्केटिङ प्रमुख आशिक अधिकारी, मदिरा व्यवसायी संघ काठमाडौं, मदिरा व्यवसायी संघ ललितपुर, मदिरा व्यवसायी सघं भक्तपुर, मदिरा संघ काभ्रेका प्रतिनिधि र उपत्यकामा रहेका व्यवसायिक प्रतिनिधिको उपस्थिति रहेको थियो ।

कम्पनीको फ्याक्ट्री काभ्रेपलान्चोकको नालामा अवस्थित छ, जसमा प्रत्यक्ष रुपमा १ सय भन्दा धेरै कर्मचारीले रोजगारी पाइरहेका छन् । वाइनको स्वाद र गुणस्तरका कारण क्यानभासको दिन प्रतिदिन लोकप्रियता बढिरहेको कम्पनीकाे दाबी छ । कम्पनीले नेपालभर ७५ वटा वितरक सञ्जाल बनाइसकेको छ र थप वितरकहरू बढाउने क्रममा छ । कम्पनीको उत्पादन क्षमता दैनिक १० हजार लिटर वाइन रहेको छ ।

प्रकाशित समय : १६:०६ बजे