शाओमीले अरुण एण्ड ब्रदर्स प्रालिसँग सहकार्य गरेर सुनसरीको इटहरीमा आफ्नो आधिकारिक स्टोर खोलेको छ ।

धरान रोडस्थित गोर्खा डिपार्टमेन्ट स्टोरनजिकै रहेको जय नेपाल होटलको भवनमा शाओमीले आफ्नो नयाँँ स्टोर खोलेको हो । आफ्नो स्टोरहरुको संख्या दोब्बर बनाउने उद्देश्यसहित ब्राण्डले नेपालभरि नयाँ र आधुनिक स्टोरहरु खोल्ने योजना बनाएको छ ।

शाओमी नेपालका कन्ट्री जेनेरल म्यानेजर सौरभ कोठारीले नयाँ स्टोर खुलेपछि ग्राहकहरुलाई किनमेल गर्न अझ धेरै सजिलो हुने र सँग-सँगै सिमलेस अफलाइन नेटवर्क विस्तार गर्ने कम्पनीको उद्देश्य पनि पूरा हुने बताए । ‘हामीलाई आशा छ हाम्रा ग्राहकहरु हाम्रो यो नयाँ स्टोरमा आउनुहुनेछ र हाम्रो नयाँ-नयाँ उत्पादनहरु मन पराउनुहुनेछ,’ उनले भने ।

यो मोडलले नेपालमा नयाँ र आधुनिक स्टोरहरु खोल्दै ग्राहकहरुलाई उच्चतम सुविधा प्रदान गर्ने शाओमीको उत्साह झल्काउँछ । यो नयाँ स्टोरमा सप्लाई चेन म्यानेजमेन्ट, उत्पादनको उपलब्धता र डेलिभरी मेजरहरु जस्ता सम्पूर्ण रिटेलको कामहरु मुख्य ब्रान्डको मातहतमा इन्टिग्रेट हुने कम्पनीले जनाएको छ ।

प्रकाशित समय : १८:३३ बजे