ललितपुरको जावलाखेलस्थित कुसुन्ती जाने सडकमा आफू चढेको गाडीको टायर पड्किएर भरतपुर महानगरपालिकाका प्रमुख रेनु दाहाल घाइते भएकी छन् ।

उनी सवार गाडीको टायर पड्किँदा गाडी अनियन्त्रित भइ बिजुलीको पोलमा ठोक्किएर दुर्घटना भएको काठमाडौँ उपत्यका प्रहरी कार्यालयका प्रवक्ता एसपी सन्तोषसिंह राठौरले जानकारी दिए । उनका अनुसार घाइते दाहालको सुमेरु सिटी अस्पतालमा उपचार भइरहेको र अवस्था खतरामुक्त रहेको जनाइएको छ ।

उनको टाउकोमा चोट लागेको जनाइएको छ ।

प्रकाशित समय : २३:०६ बजे