इंग्लिस क्लब म्यानचेस्टर युनाइटेड युरोपा लिग फुटबलको फाइनलमा प्रवेश गरेको छ । बिहीबार राति भएको सेमिफाइनलको दोस्रो लेगमा रोमासँग ३-२ गोल अन्तरले पराजित भए पनि समग्रमा ८-५ को जित निकाल्दै युनाइटेड उपाधि हाेडमा उभिएकाे हाे ।

खेलको ३९औं मिनेटमा काभानीले गोल गर्दै युनाइटेडलाई अग्रता दिलाए । तर,५७औं मिनेटमा डेज्कोले गोल गर्दै रोमालाई १-१ गोलको बराबरीमा ल्याए । ६०औं मिनेटमा ब्रायनले गोल गर्दै रोमालाई २-१ को अग्रता दिलाए । ६८औं मिनेटमा काभानीले व्यक्तिगत दोस्रो गोल गर्दै खेललाई २-२ को बराबरीकाे स्थितिमा पुर्‍याए । तर, खेलको ८३औं मिनेटमा एलेक्सले आत्मघाती गोल गरेपछि रोमाले ३-२ को जित निकाल्यो ।

अब युनाइटेडले मे २६ मा स्पेनिस क्लब भिल्ला रियलसँग फाइनल खेल्नेछ । भिल्ला रियलले आर्सनललाई समग्रमा २-१ ले हराएर फाइनलमा स्थान पक्का गरिसकेकाे छ ।

प्रकाशित समय : १३:३८ बजे