काठमाडौं । नेपालका लागि सीएफमोटो मोटरसाइकलको आधिकारिक वितरक ऋषि ट्रेड सेन्टरले नयाँ वर्ष २०८३ को अवसरमा ग्राहकमैत्री तथा आकर्षक योजना सार्वजनिक गरेको छ। उक्त अफर २०८२ साल चैत २० गतेदेखि २०८३ साल वैशाख ३१ गतेसम्म लागू हुनेछ, जसले नयाँ ग्राहकका साथै विद्यमान मोटरसाइकल प्रयोगकर्तालाई लक्षित गरेको छ।

यस योजनाअन्तर्गत CFMOTO 250 Dual EFI खरिद गर्ने ग्राहकहरूले नगद तथा फाइनान्स दुवै माध्यमबाट खरिद गर्दा ८,३०० सम्मको नगद छुट प्राप्त गर्नेछन्। साथै, एक्सचेन्जमार्फत मोटरसाइकल साट्ने ग्राहकहरूले बजार मूल्यभन्दा थप १५,००० सम्मको अतिरिक्त मूल्य लाभ पाउनेछन्।

यसका अतिरिक्त, प्रत्येक ग्राहकलाई प्रिमियम SMK Full Face Double Visor Helmet (एण्टी-फग प्रविधिसहित) उपहार स्वरूप प्रदान गरिनेछ, जसले सुरक्षित तथा सहज राइडिङ अनुभव सुनिश्चित गर्नेछ।

योजनालाई अझ आकर्षक बनाउन लक्की ड्र व्यवस्था पनि समावेश गरिएको छ, जसअन्तर्गत एक भाग्यशाली ग्राहकले १,००,००० नगद क्यासब्याक जित्ने अवसर प्राप्त गर्नेछन्।

CFMOTO 250 NK र 300 NK मोडेलका लागि कम्पनीले क्रमशः ४,४९,९००/- र ५,४९,९००/- को नयाँ एमआरपी (MRP) घोषणा गरेको छ। साथै, ग्राहकहरूले फुल फेस Studds हेल्मेट र CFMOTO प्रोटेक्टिभ हुडी पनि प्राप्त गर्नेछन्। यसले कम्पनीले आफ्नो नेकेड सेग्मेन्टमा अप्रत्याशित मूल्यमा प्रिमियम उत्पादन प्रस्तुत गर्ने सोच बनाएको देखाउँछ।

त्यसैगरी, प्रिमियम तथा लोकप्रिय एड्भेन्चर मोडेल CFMOTO 450MT (Zephyr Blue) खरिद गर्ने ग्राहकहरूका लागि विशेष प्याकेज उपलब्ध गराइएको छ, जसमा एड्भेन्चर राइडिङ ज्याकेट र प्रिमियम हेल्मेट समावेश छन्, जसले समग्र स्वामित्व अनुभवलाई थप उत्कृष्ट बनाउनेछ।

ZEEHO AE8 EV मोडेलको स्कुटरको हकमा विशेष MRP ४,४९,९००/- सम्पूर्ण अफर अवधिभर यथावत् रहनेछ।

बिक्रीसँगै सीएफमोटो नेपालले आफ्नो अफ्टर-सेल्स सेवामा समेत प्रतिबद्धता जनाउँदै सेवा सञ्जाल विस्तार गर्ने घोषणा गरेको छ। २०८३ सालदेखि देशभर सेवा पहुँच विस्तार गरिनेछ, जसले काठमाडौं उपत्यका बाहिरका ग्राहकहरूलाई पनि सहज सेवा उपलब्ध गराउनेछ।

प्रकाशित समय : १८:२७ बजे