पछिल्लाे दुई दिन लगातार घटेको सेयर बजारमा आज झिनो सुधार आएकाे छ । साताको तेस्रो कारोबार दिन मंगलबार सेयर बजार परिसूचक नेप्सेमा सामान्य वृद्धि भएको हाे ।

मंगलबार नेप्से १.८१ अंकले बढेर बन्द भएको छ । आज ०.०९ प्रतिशतले बढेर नेप्से २०५४.९५ को बिन्दुमा पुगेको हाे । आज सेन्सेटिभ इन्डेक्स ०.१५ प्रतिशतले बढेर ३९७.६९ को बिन्दुमा पुगेको छ ।

यसअघि साेमबार नेप्से परिसूचक ७.४१ अंकले घटेकाे थियाे । साे दिन २ सय २२ कम्पनीको ५२ लाख ३० हजार ७ सय ६३ कित्ता सेयरखरिद बिक्री हुँदा १ अर्ब ७२ करोड ६२ लाख ८७ हजार ४ सय ३० रूपैयाँको सेयर कारोबार भएको छ । त्यस्तै नेप्से ७.७२ अंकले घटेकाे आइतबारकाे सेयर बजारमा २ अर्ब ४ करोड ७० लाख रुपैयाँ बराबरको काराेबार हुँदा २१८ कम्पनीका ५३ लाख ३९ हजार कित्ता सेयर किनबेच भएका थिए ।

आज २२२ कम्पनीका ४० लाख ३१ हजार २५ कित्ता सेयर किनबेच भएको छ । कारोबार अवधिभर १ अर्ब ३३ करोड ३५ लाख ६० हजार ८५७ रुपैयाँ बराबरको कारोबार भएको छ । आज १३ उपसमूहमध्ये ६ वटा उपसमूहको समूहगत परिसूचक बढेको छ भने सात वटा उपसमूहको समूहगत परिसूचक घटेको छ ।

प्रकाशित समय : १५:४४ बजे