नेपालमा थप ४५५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरबाट ४ हजार ८२९ जनामा कोरोना परीक्षण गरिएको थियो ।

जसमध्ये २ हजार ३०८ जनामा गरिएको आरटी पीसीआर परिक्षणमा ३०५ जनामा कोरोना संक्रमण पुष्टि भएको हो । साथै २ हजार ५२१ जनामा गरिएको एन्टिजेन परिक्षणमा १५० जनामा कोरोना संक्रमण पुष्टि भएसँगै देशभरबाट ४५५ जनामा कोरोना संक्रमण पुष्टि भएको छ ।

यस्तै, थप २ संक्रमितको मृत्यु भएको मन्त्रालयले जनाएको छ ।

प्रकाशित समय : १६:४९ बजे