fbpx
Dashain shuvakamana-long ad
corona information

गृहपृष्ठ सन्दीप लामिछाने लंका प्रिमियर लिगको ड्राफ्टमा

सन्दीप लामिछाने लंका प्रिमियर लिगको ड्राफ्टमा

नेपाली लेग स्पिनर सन्दीप लामिछाने लंका प्रिमियर लिग (एलपीएल) क्रिकेटको छनोट प्रक्रिया (ड्राफ्ट) मा परेका छन् । ड्राफ्टमा परेका सन्दीप रहेको श्रेणीका खेलाडीले न्यूनतम् ५० हजारदेखि ६० हजार अमेरिकी डलर पारिश्रमिक पाउनेछन् । सन्दीप हाल इन्डियन प्रिमियर लिग (आईपीएल) खेल्ने क्रममा युनाइटेड अरब इमिरेट्स (यूएई) मा छन् ।

सन्दीपसँगै अर्का नेपाली खेलाडी सुमन गौतम पनि एलपीएलको ड्राफ्टमा परेका छन् । सुमन हाल अस्ट्रेलियामा छन् । गौतम रहेको श्रेणीका खेलाडीले १५ हजारदेखि २५ हजार अमेरिकी डलरसम्म पारिश्रमिक पाउनेछन् ।

आज हुने अक्सनबाट सन्दीप र सुमनको छनोटबारे टुंगो लाग्ने नेपाली राष्ट्रिय टोलीका प्रविधि विश्लेषक रमन शिवाकोटीले जानकारी दिए । लंका लिग नोभेम्बर २१ तारिखदेखि सुरु हुनेछ । श्रीलंका क्रिकेट बोर्डले पहिलोपटक लंका प्रिमियर लिग आयोजना गर्न लागेको हो । लिगमा २८ विदेशी खेलाडीले स्थान पाउनेछन् ।

प्रकाशित समय १७:०० बजे

vayodha-hospital

प्रतिक्रिया दिनुहोस्

सम्बन्धित शीर्षकहरु