fbpx
corona information

गृहपृष्ठ वृद्धको घाँटीमा बञ्चरो प्रहार गरी ‘अघोरी बाबा’ फरार

वृद्धको घाँटीमा बञ्चरो प्रहार गरी ‘अघोरी बाबा’ फरार

ढोंगी अघोरी बाबाको बञ्चरो प्रहारबाट धनुषामा एक जना घाइते भएका छन् । आफूलाई ‘अघोरी बाबा’ बताउने एक जनाले मिथिला नगरपालिका २ नक्टाझिज बस्ने राजकुमार महतोमाथि बञ्चरो प्रहार गरेको हो ।

मिथिला नगरपालिका २ बस्ने करिब ६० वर्षीय राजकुमार महतोको घाँटीमा ज्यानै लिने गरी बञ्चरो प्रहार गरी ‘अघोरी’ फरार भएको प्रहरीले जनाएको छ । धनुषा प्रहारीका अनुसार मिथिला नगरपालिका १ लक्ष्मीनिवासमा महतोको बाँस चोरिरहेको ‘अघोरी’लाई बाँस किन काटेको ? भनेर सोधखोज गर्दा बञ्चरोले हानेको हो ।

बञ्चरोले घाँटी काटिएर घाइते भएका महतोको स्थानीय स्तरमा उपचार गरिएको परिवारजनले बताएका छन् । घाइते महतोको घाँटीमा दर्जनभन्दा बढी टाँका लगाएको महतोका छोरो ओमप्रकाश महतोले बताए ।

घटनालगत्तै स्थानीयबासी र इलाका प्रहरी कार्यालय ढल्केवरको टोली घटनास्थलमा पुगेपछि ‘अघोरी’ फरार भएको स्थानीयले बताए । उसको खोजी कार्य तीव पारिएको प्रहरीले जनाएको छ ।

धनुषाको क्षीरेश्वरनाथ नगरपालिका ८ दिगम्वरपुर स्थायी घरका भएको र आफूलाई ‘अघोरी बाबा’ भने ४० वर्षीय तुलसी नाम उक्त व्यक्ति महिना दिनभन्दा बढी समयदेखि मिथिला नगरपालिका १ लक्ष्मी निवासस्थित बसही खोलाकिनारमा त्रिपाल टागेर कुकुर र बाँदरसँगै बस्दै आएको स्थानीयले बताएका छन् ।

लक्ष्मीनिवासकै नातामा पर्ने केही व्यक्तिहरुको आडमा खोलाकिनारमा बसेको उक्त ढोंगी ‘अघोरी’लाई बचाउन खोजिएको पीडित परिवारजनको आरोप छ । खेतमा बाँस चोरिरहेको फेला परेपछि सोधखोज गर्दा उल्टै महतोको घाँटी काटेर हत्या गर्न खोजेको स्थानीय शिवकुमार सिंहले बताए ।

‘अघोरी’ र उसलाई संरक्षण गर्ने केही व्यक्तिलाई पक्राउ गरी कडा कारबाहीको माग स्थानीले गरेका छन् । दिगम्वरपुरबासीले भने मानसिक सन्तुलन समेत ठिक नभएका तुलसी नामको ढोंगी बाबा बनेर यस्ता कयौं अपराधसमेत गरेको बताएका छन् ।

गाँजा, भाङ र लागु औषधसमेत सेवन गर्ने ढोंगी बाबा बाँदर र कुकुरसँगै खोलाकिनारमा बस्ने स्थानीय रामचन्द्र महतोले जानकारी दिएका छन् ।

प्रकाशित समय २१:४९ बजे

vayodha-hospital

प्रतिक्रिया दिनुहोस्

सम्बन्धित शीर्षकहरु