विश्वभर नोवेल कोरोनाभाइरस (कोभिड १९) संक्रमणबाट मृत्यु हुनेको संख्या २८ हजार ८४१ पुगेको छ । दिनभरमै करिब १५ सय जनाले ज्यान गुमाएका छन् । बिहानसम्ममा २७ हजार ३५२ ज्यान गएको थियो ।

शनिबार रातिसम्ममा ६ लाख २३ हजार २९६ जनामा कोरोना संक्रमण देखिएको छ भने १ लाख ३७ हजार ३९३ जना सफल उपचारपछि घर फर्किएका छन् । अमेरिकामा सबैभन्दा धेरै १ लाख ६ हजार २५८ संक्रमित फेलापरेकोमा १७ सय ५१ जनाको मृत्यु भएको छ । त्यहाँ २४ सय ९४ जना गम्भीर छन् । त्यस्तै इटालीमा सबैभन्दा धेरै ९ हजार १३४ जनाको मृत्यु भएको छ । त्यहाँ ३७ सय ३२ जना गम्भीर छन् ।

नेपालमा हालसम्म पाँच जनामा कोरोना संक्रमण देखिएको छ । जसमध्ये एक जना उपचारपछि घर फर्किसकेका छन् भने अन्य चार जनाको अस्पतालमा उपचार भइरहेको छ ।

प्रकाशित समय २२:२७ बजे