fbpx
Nepal Mediciti

गृहपृष्ठ क्रिस्टर माउन्टेन विद्यालयको रजत महोत्सव

क्रिस्टर माउन्टेन विद्यालयको रजत महोत्सव

डोल्पाको क्रिस्टल माउन्टेन विद्यालयको रजत महोत्सव आयोजना गरिएको छ । जिल्लाको डोल्पो बुद्ध गाउँपालिका–३ स्थित ताप्सीको उक्त विद्यालय सञ्चालन भएको २५ वर्ष पुगेको अवसरमा विभिन्न कार्यक्रमका साथ उक्त महोत्सव सुरु गरिएको हो । मंगलबारदेखि सुरु पाँचदिने महोत्सव उपप्रधानमन्त्री तथा रक्षामन्त्री ईश्वर पोखरेलले उद्घाटन गर्दै चीनसँग जोडिने यहाँको मोरिम नाका खुलाउनुपर्नेमा जोड दिए । स्थानीयवासीको माग पूरा गर्न सरकार तयार रहेको उनले बताए ।

नेपाल कम्युनिस्ट पार्टी (नेकपा) कर्णाली प्रदेश इञ्चार्ज तथा पूर्वमन्त्री जनार्दन शर्माले यहाँको मोरिम नाका नखोल्दासम्म विकासले गति नलिने भएकाले यसतर्फ सरकारको ध्यानाकर्षण गराएका थिए । जडीबुटीको खानी डोल्पाको विकास भए सुन फलाउन सकिने हुँदा यसमा आफूले गर्न सक्ने सहयोगलाई निरन्तरता दिने उनले प्रतिबद्धता जनाए ।

कर्णाली प्रदेशभाका उपसभामुख पुष्पा घर्ती, आर्थिक मामिला तथा योजनामन्त्री प्रकाश ज्वाला, सामाजिक विकासमन्त्री दल रावल, उद्योग, पर्यटन, वन तथा वातावरणमन्त्री नन्दसिंह बुढा, प्रदेशसभा सदस्य पद्माकुमारी बोहरा, नेकपा डोल्पा जिल्ला इञ्चार्ज हंसबहादुर शाहीलगायतको महोत्सवमा सहभागिता थियो ।

विविध सांस्कृतिक कार्यक्रमका साथ स्थानीय जातजातिका मौलिक नृत्य प्रस्तुत गरिएको उक्त  महोत्सवमा बुधबार स्वास्थ्य शिविर आयोजना गरिएको छ । यही भदौ २८ गतेसम्म विभिन्न कार्यक्रमका साथ रजत महोत्सव मनाइने विद्यालयले जनाएको छ ।

फ्रान्सेली नागरिक मेरीको र विद्यालयका संस्थापक प्रधानाध्यापक केदारविनोद पाण्डेको प्रयासमा यहाँ उक्त विद्यालय स्थापना भएको थियो । कक्षा ८ सम्म पढाइ हुने विद्यालयमा १९० बालबालिका अध्ययनरत छन् । (रासस)

प्रकाशित समय १५:४१ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु