fbpx
Rashifal Ad
NIC ASIA- magh 1

गृहपृष्ठ यातायात व्यवस्था विभागमा सहायता कक्ष

यातायात व्यवस्था विभागमा सहायता कक्ष

चालक अनुमतिपत्रसँग सम्बन्धित गुनासो दैनिक आइरहँदा यातायात व्यवस्था विभागले ‘सहायता कक्ष’को सुरु गरेको छ ।

चालक अनुमतिपत्रसँग सम्बन्धित जिज्ञासा लिएर दैनिक सेवाग्राही आइरहँदा कार्यालयमा सधैँ भीडभाड भइरहेकाले यो सेवा सुरु गरिएको विभागका निर्देशक प्रेमकुमार सिंहले बताए । उनका अनुसार दुई दिनपहिले सुरु भएको कक्षबाट अनुमतिपत्र अनलाइन आवेदन, छपाइ, वितरण लगायतका विषयमा सम्पूर्ण जानकारी दिइनेछ ।

सेवाग्राहीले अनुमतिपत्र छापियो वा छापिएन वा छापिएका अनुमतिपत्रमा पनि कुनै खालका समस्या आउँदा कोठाकोठामा पुगेर बुझ्न जान नपर्ने विभागले जनाएको छ । निर्देशक सिंहले भने, ‘यसअघि सेवाग्राहीले भोग्दै आएको सउमस्या हट्ने हामीले विश्वास गरेका छौँ ।’ अहिले सहायता कक्षले चालक अनुमतिपत्रसँग सम्बन्धित मात्रै जानकारी दिने भए पनि आगामी दिनमा यसको क्षेत्र विस्तार गर्दै जाने विभागको योजना रहेको सिंहले बताए ।

सेवाग्राहीले आइतबारदेखि बिहीबारसम्म बिहान सवा १० देखि पौने ६ बजेसम्म र शुक्रबार शुक्रबार पौने तीन बजेसम्म कार्यालयमा आएर वा फोन सम्पर्क गरेर अनुमतिपत्रबारे जानकारी लिन सक्ने बताइएको छ ।

देशभरका यातायात व्यवस्था कार्यालयहरुबाट संकलन भएका आवेदनबाट विभागले चालक अनुमतिपत्र छपाइ गर्दै आएको छ । सम्बन्धित कार्यालयले नै चालक अनुमतिपत्र वितरण गरिरहे पनि समस्या आउँदा उनीहरुलाई विभागमा पठाउने गरेका छन् । गत वर्ष नै यातायात व्यवस्था कार्यालयहरु प्रदेशमा हस्तान्तरण भए पनि देशभरका चालक अनुमतिपत्र छपाइ विभागले नै गरिरहेको छ ।(रासस)

प्रकाशित समय १०:३६ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु