fbpx
Nepal Mediciti

गृहपृष्ठ दुर्घटनाको २२ दिनपछि भेटियो शव

दुर्घटनाको २२ दिनपछि भेटियो शव

खार्पुनाथ गाउँपालिकाको बेडू बिसौनीमा भएको जिप दुर्घटनामा परेर कर्णाली नदीमा बेपत्ता भएका उपाध्यक्ष सिन्धु शाही हमालको शव आज फेला परेको छ । सर्केघाड गाउँपालिका–४ साँयाको नागरास्थित कर्णाली नदीको किनारमा फेला परेको शव गाउँपालिकाका उपाध्यक्ष शाहीकै भएको जिल्ला प्रहरी कार्यालयका प्रमुख रामप्रसाद घर्ती मगरले जानकारी दिए ।

शव फेला परेको खबर पाउनेबित्तिकै हेलिकप्टरबाट सम्बन्धित स्थलमा पुगेका प्रहरी टोलीसहित उनका श्रीमान् धीरेन्द्र शाही र खार्पुनाथ गाउँपालिकाका अध्यक्ष कर्ण रावललगायतका आफन्तले पहिचान गरेपछि शव उपाध्यक्षकै भएको पुष्टि भएको हो । शवको पहिचान गरेपछिसँगै जिल्ला स्वास्थ्य कार्यालयका डा. दुर्गा सुर्खाली, प्रमुख जिल्ला अधिकारी धोलकराज ढकाल, प्रहरी प्रमुख घर्तीमगरको संयुक्त टोलीले कानुनी प्रक्रिया पु-याएर आफन्तलाई हस्तान्तरण गरेको छ । असार ३ गते सिमकोटदेखि याङ्चुकुनातर्फ जाँदै गरेको जिप दुर्घटना हुँदा उपाध्यक्षसहित ११ जना बेपत्ता भएका थिए । बेपत्ता अरु अझै भेटिएका छैनन् ।

प्रकाशित समय १८:४६ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु