पाँचथरको फिदिम नगरपालिका मेनरोडमा रहेको पसलसहितको घरमा आगलागी भएको छ । मेनरोडनजिकै रहेको कपडा पसलमा विद्युत सर्ट भएर आगो लाग्दा काठको घर पूर्णरुपमा जलेको छ भने दुईवटा सिमेन्टका घरमा आंशिक क्षति भएको छ ।

आगो दिउँसो सवा १ बजे लागेको हो । दमकल र स्थानीयबासीको सहयोगमा साढे २ बजे आगो नियन्त्रणमा लिइएको पाँचथर प्रहरी प्रवक्ता प्रहरी निरीक्षक अनिलकुमार पौडलले जानकारी दिए । उनका अनुसार क्षतिको यकिन विवरण भने आएको छैन ।

प्रकाशित समय १५:१९ बजे