fbpx
Nepal Mediciti

गृहपृष्ठ सुरक्षा भ्यानले गराएकाे दुर्घटनाकाे भिडियाे भाइरल, बल्ल बाेले चन्द (भिडियाेसहित)

सुरक्षा भ्यानले गराएकाे दुर्घटनाकाे भिडियाे भाइरल, बल्ल बाेले चन्द (भिडियाेसहित)

lokandra-chanda-newskarobar

पूर्वप्रधानमन्त्री लोकेन्द्रबहादुर चन्दले आफ्नो सुरक्षामा खटिएको भ्यानले गराएको दुर्घटनाबारे आफूले शनिबारमात्रै जानकारी पाएको बताएका छन् । उनले घटनाबारे अनविज्ञ रहँदा पनि सामाजिक सञ्जालमा आफूप्रति लक्षित गरेर नराम्रा कमेन्ट गरिएको भन्दै दुःख व्यक्त गरेका छन् ।

शुक्रबार साँझ चन्दको स्कटिडमा खटिएको सशस्त्र प्रहरीको भ्यानले स्कुटरलाई ठकर दिएर भागेको थियो । सशस्त्र प्रहरी बलको लापर्बाहीपूर्वक चलाइएको बा. १ झ ९५२७ को पछुवा गाडीले स्कुरटरलाई ठक्कर दिएर लडे पनि बेवास्ता गर्दै गाडी अगाडि बढाएको थियो । भिडियो सामाजिक सञ्जालमा भाइरल भएको छ ।

‘१५ गते नयाँ बानेश्वर स्थित ५ः४५ बजे तिर मेरो सुरक्षामा रहेको भ्यान र एउटा स्कुटर दुईवटा गाडीको बिचमा परेर आत्तिएर भ्यानको पछिल्लो भागमा ठोक्किँदै लडेको र लगत्तै उठी हिँडेको मलाई आज १६ गते सुरक्षाकर्मीले जानकारी गरायो’, चन्दले सामाजिक सञ्जालमार्फत भनेका छन, ‘यसमा म अनविज्ञ थिए तर विभिन्न फेसबुक र मिडियाहरुमा मेरो बारेमा विभिन्न नराम्रा कमेन्ट देख्दा म दुःखित छु ।’ उनले स्कुटरमा सवार व्यक्तिलाई कुनै किसिमको चोटपटक लागेको भएमा आफू भेट्न जाने बताएका छन् ।

प्रकाशित समय १६:०९ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु