fbpx
corona information

गृहपृष्ठ राष्ट्रपति कार्यालयको भेरिफाइड ट्विटर एकाउन्ट मिलिक्कै गायब !

राष्ट्रपति कार्यालयको भेरिफाइड ट्विटर एकाउन्ट मिलिक्कै गायब !

Twitter_NewsKarobar

राष्ट्रपति विद्यादेवी भण्डारीको सञ्चार समूहले तयार पारेको ट्विटर ह्यान्डल @ShitalNiwas ट्विटरबाट प्रमाणीकरण (भेरिफाइड) गरेलगत्तै डिएक्टिभेट गरिएको छ । विगतमा कांग्रेस नेता एवं सांसद गगन थापाको ‘प्यारोडी एकाउन्ट’का रूपमा केही व्यक्तिले चलाएको ह्यान्डलकै नाम फेरेर राष्ट्रपतिका सूचना संप्रेषणका लागि बनाएको ट्विटर प्रयोगकर्ताले पत्ता लगाएपछि ह्यान्डल नै डिएक्टिभेट गरिएको हो ।

राष्ट्रपतिका प्रमुख सञ्चार विज्ञ टीकाप्रसाद ढकालले ट्विट गर्दै त्यो ह्यान्डल डिएक्टिभेट गरिएको र कार्यालयको सूचना र सञ्चारका लागि तत्कालै नयाँ खाता तयार गरिने बताएका छन् ।


उनले दुई दिन अगाडिमात्र @ShitalNiwas ट्विटर एकाउन्ट भेरिफाइ गरिएको बताएका छन् । ‘ नचलाइएको पुरानो एकाउन्ट त्यही नाममा दर्ता रहेछ, म गएपछि त्यसैलाई एक्टिभेट मात्र गरिएको हो, अहिले समस्या देखिएकाले तत्काल नयाँ खाता बनाउनु पर्ने देखियो,’ ढकाले ट्विट गर्दै भनेका छन् ।

राष्ट्रपतिजस्तो राज्य प्रमुखको औपचारिक सूचना तथा सञ्चार कार्यालयकै सामाजिक सञ्जालका एकाउन्ट चलाउन अरु कुनै नेताका नाममा छद्म भेषमा सामाजिक सञ्चाल चलाउने व्यक्तिहरूद्वारा तयार पारिएको एकाउन्ट चलाउनु पर्ने अवस्थालाई अधिकांसले विडम्बना भनेका छन् ।

प्रकाशित समय १५:२४ बजे

प्रतिक्रिया दिनुहोस्

सम्बन्धित शीर्षकहरु