fbpx
NIC ASIA- magh 1

गृहपृष्ठ समृद्धिको मूल आधार भनेकै संघीयता : मुख्यमन्त्री राई

समृद्धिको मूल आधार भनेकै संघीयता : मुख्यमन्त्री राई

प्रदेश १ का मुख्यमन्त्री शेरधन राईले समृद्धिको मूल आधार भनेको नै संघीयता भएको बताएका छन् । इलाममा आजदेखि शुरु भएको ‘इलाम राष्ट्रिय नाटक महोत्सव- २०७६’ को उद्घाटनका क्रममा उनले नाटक पनि संघीयता ढाँचामा देखाउन लागिएकाले यसले थप हौसला थपेको बताए ।

विकास निर्माणमा सडक र भौतिक पूर्वाधारमा मात्र विकास गरेर नहुने उल्लेख गर्दै उनले कला र संगीतको पनि उत्तिकै विकास गर्न लाग्नुपर्नेमा जोड दिए । उनले भने, ‘गीत, संगीत, पहिचान र कलालाई समृद्धिको मूल आधार बनाउनुपर्छ ।’

महोत्सव आगामी फागुन १ गतेसम्म निरन्तर सञ्चालन हुनेछ । सातवटै प्रदेशको मौलिक लोक कथाको खोजी गरी छनोट भएर आएका नाटक महोत्सवमा प्रस्तुत गरिनेछन् । महोत्वमा सातै प्रदेशका एक/एक मौलिक नाटक मञ्चन गरिने र प्रत्येक दिन नाटककै बारेमा कार्यशालासमेत गरिनेछ । सांस्कृतिक संस्थान राष्ट्रिय नाचघरको आयोजना तथा इलाम नगरपालिका अन्तर्गतको साहित्य, कला, संगीत प्रतिष्ठान र चेतना नाट्य समूहको सहआयोजनामा महोत्सव सुरु गरिएको हो ।

संस्थानले प्रत्येक प्रदेशबाट प्रतिनिधित्व रहनेगरी महोत्सवमा मञ्चन गरिने नाटक छनोट गरेको छ । त्यसमा आयोजक संस्थाले थप अर्को नाटक पनि मञ्चन गर्नेछ । प्रदेश नं १ बाट ‘सुम्निमा–पारुहाङ’, प्रदेश नं २ बाट ‘कनन हरलता’, वाग्मती प्रदेशबाट ‘राजकुमार मल्ल युद्ध’, गण्डकी प्रदेशबाट ‘नमबुद्ध’, प्रदेश नं ५ बाट ‘कुजरी’ कर्णाली प्रदेशबाट ‘छैँटी’ र सुदूरपश्चिम प्रदेशबाट ‘लोली सञ्जा’ नाटक मञ्चन गरिनेछ । आयोजकका तर्फबाट ‘थान’ नाटक मञ्चन हुने प्रतिष्ठानकी अध्यक्ष टीका घिमिरेले जानकारी दिए ।

प्रकाशित समय १८:१४ बजे

vayodha-hospital
NCC Bank

प्रतिक्रिया दिनुहोस्

सम्बन्धित शीर्षकहरु