fbpx
Dashain shuvakamana-long ad
corona information

गृहपृष्ठ सबै स्थानीय तहमा ‘वास प्लान’ बनाउने तयारी

सबै स्थानीय तहमा ‘वास प्लान’ बनाउने तयारी

संघीय सरकारको खानेपानी मन्त्रालयले सातै प्रदेश र देशैभरिका स्थानीय तहसँग समन्वय र सहकार्य गरेर खानेपानी सरसफाइ तथा स्वच्छता योजना (वास प्लान ) निर्माण गर्ने र उक्त योजना कार्यान्वयन गर्ने भएको छ ।

खानेपानीमन्त्री बिना मगरको अध्यक्षतामा प्रदेश १ अन्तर्गत विराटनगरमा भएको वास प्लान तर्जुमा सम्बन्धी अन्तर्कृया कार्यक्रममा देशै भरिको वास प्लान बनाउने तयारी भएको जानकारी गराइयो ।

कार्यक्रममा प्रदेश १ सरकारका मुख्य मन्त्री शेरधन राईले संविधानमा उल्लेखित खानेपानी र सरसफाइमा जनताको पहुँच पु-याउने मौलिक हक कार्यान्वयन गर्न प्रदेश सरकार प्रतिबद्ध रहेको बताए । उनले दीगो विकास लक्ष्य हासिल गर्ने दिशा तर्फ प्रदेश सरकार अघि बढिरहेको बताउँदै तीनवटै तहका सरकारको समन्वय र सहकार्यमा मात्र यो सम्भव रहेको स्पष्ट पारे ।

‘खानेपानी मन्त्रालयले ल्याएको वास प्लान एक महत्त्वपूर्ण उपलब्धि हो,’ उनले भने, ‘डिजिटल प्रविधिको माध्यमबाट खानेपानी र सरसफाइको बारेमा सम्पूर्ण सूचना जानकारी दिने जुन सफ्टवेयर प्रविधि मन्त्रालयले तयार ग-यो यसलाई अघि बढाउन हाम्रो पूर्ण प्रतिबद्धता छ । प्रदेश १ सरकारले प्रभावकारी ढंगले यसको कार्यान्वयन गर्नेछ ।’

कार्यक्रममा खानेपानीमन्त्री मगरले खानेपानी र सरसफाइको क्षेत्रमा प्रत्येक स्थानीय तहको पूर्ण आकारको गुरु योजना बनाउन मन्त्रालयले चाहिरहेको स्पष्ट पारे । ‘हामीले देशै भरिको गुरु योजना बनाउन चाहिरहेका छौं,’ उनले भने, ‘७ सय ५३ वटै स्थानीय तहको मास्टर प्लान बनाउन खोजिरहेका छौं । मास्टर प्लान तयार भइसकेपछि त्यही गतिमा काम गर्नेछौं । सन् २०३० सम्ममा दीगो विकासका लक्ष्य हासिल गर्नुपर्ने चुनौती छ । त्यसका लागि पनि वास प्लान चाहिएको हो ।’
धेरै योजनाहरु विकेन्द्रित भएकाले योजनालाई केन्द्रित गरेर मन्त्रालय अघि बढ्न खोजेको मन्त्री मगरले बताइन् ।

स्थानीय तहहरुबाट तर्जुमा गरिने वास प्लानहरुमा एकरूपता कायम रहोस् भन्ने उदेश्यले सो कार्यमा सहयोग तथा समन्वय गर्नका लागि वास प्लान निर्देशिकासमेत तयार गरिएको कार्यक्रममा जानकारी गराइयो । वास प्लानले देश भरिको खानेपानी र सरसफाइको अवस्था बारे सूचना तथा जानकारीहरु NWASH भन्ने वेब सफ्टवेयरको माध्यमबाट संकलन गर्ने, भू-सान्दर्भिक तथ्यांकहरुको प्रविधियुक्त नक्सांकन गर्ने, सो को विश्लेषण गर्ने तथा हालसम्म खानेपानी तथा सरसफाइका सेवा र सुविधाबाट वन्चित समुदायको पहिचान गरि सो स्थान र समुदायमा सेवा प्रवाहको सुनिश्चितता, मौजुदा सेवाको पुन स्थापना तथा स्तरोन्नति सहित रणनीतिक योजना निर्माण गर्ने कार्यमा सबै स्थानीय तहहरुलाई सहजीकरण गर्नेछ ।

प्रकाशित समय १८:२८ बजे

vayodha-hospital

प्रतिक्रिया दिनुहोस्

सम्बन्धित शीर्षकहरु