गठबन्धनमा भागबण्डाको लफडा, एक्लै पासा पल्टाउने तयारीमा ओली

नेकपा एमालेका अध्यक्ष केपी शर्मा ओली राजनितिक रुपमा जतिसुकै खराब भएपनि केही पक्षमा अब्बल छन्, जसले उनको भावभंगीमा कहिल्यै परिवर्तन आउँदैन । उनी कहिल्यै आफुलाई कमजोर ठान्दैनन् । बरु जोसँग पनि अर्गेलो गर्नै पर्ने ओलीको स्वभाव पहिचान जस्तै बनेको छ । अहिले ओलीका लागि निकै कठिन समय चल्दैछ । मंसिर ४ को संसदीय निर्वाचनमा एमालेविरुद्ध आठ दल मोर्चाबन्दीमा जान थालेपछि गत निर्वाचनको १२१ सिट खर्लप्पै हुनसक्ने डरले ओली थुरथुर छन् । यद्यपी भावभंगीमा हलचल भएका छैन । बरु आफुलाई अझै शक्तिशाली देखाउने प्रयासमा ओली अहोरात्र छन् ।