गृहपृष्ठ चुनावी तालमेलको मोडालिटी तयार पार्न बालुवाटारमा सत्तागठबन्धनको बैठक

चुनावी तालमेलको मोडालिटी तयार पार्न बालुवाटारमा सत्तागठबन्धनको बैठक

चुनावी तालमेलको मोडालिटी तयार पार्न बालुवाटारमा सत्तागठबन्धनको बैठक

स्थानीय तहको निर्वाचनमा तालमेल गर्ने औपचारिक निर्णय गरेको सत्तागठबन्धनले तालमेल मोडालिटीबारे छलफल थालेको छ । प्रधानमन्त्रीको सरकारी निवास बालुवाटारमा आज नेपाली कांग्रेस, नेकपा माओवादी केन्द्र, नेकपा एकीकृत समाजवादी, जसपा र राष्ट्रिय जनमोर्चाका शीर्ष नेताहरू छलफलमा जुटेका हुन् ।

प्रधानमन्त्रीसमेत रहेका नेपाली कांग्रेसका सभापति शेरबहादुर देउवा र वरिष्ठ नेता रामचन्द्र पौडेल, माओवादी केन्द्रका अध्यक्ष पुष्पकमल दाहाल प्रचण्ड, एकीकृत समाजवादी अध्यक्ष माधवकुमार नेपाल र नेता झलनाथ खनाल तथा जसपा संघीय परिषद अध्यक्ष बाबुराम भट्टराईलगायत नेताहरू छलफलमा जुटेका छन् ।

‘स्थानीय तह चुनाव केन्द्रित छलफल सुरू भएको छ । चुनावी तालमेलका मोडालिटीबारे छलफल गर्ने तयारी छ,’ बैठकमा सहभागी एक नेताले भने, ‘प्रधानमन्त्रीको भारत भ्रमणको समीक्षालगायत समसामयिक विषयमा पनि कुराकानी हुनेछ ।’

यसअघि बसेको सत्तागठबन्धन बैठकले चुनावी तालमेल गर्ने र आवश्यक विवरण संकलन गर्न प्रदेश, जिल्ला र पालिका तहमा संयन्त्र बनाउने निर्णय गरेको थियो । त्यसका लागि अध्ययन गर्न तोकिएको समयसीमा समेत आज सकिँदैछ ।

प्रकाशित समय : १६:०७ बजे

प्रतिक्रिया दिनुहोस्

सम्बन्धित शीर्षकहरु