सानिमा बैंक गोकर्णेश्वर कार्यालयले गत शनिबार 'ग्लोबल मनि विक २०२२'अन्तर्गत वित्तीय साक्षरता कार्यक्रम सम्पन्न गरेको छ ।

गोकर्णेश्वर कार्यालयले बौद्ध, काठमाडौंमा रहेको शान्ति फाउन्डेसनमा वित्तीय साक्षरता कार्यक्रम आयोजना गरेको हो। शान्ति फाउन्डेसन गैर सरकारी संस्था हो, जसले महिलाहरूलाई सचेतना र सहायता दिने विभिन्न कार्यहरू गर्दैछ । उक्त कार्यक्रममा ५० जना महिलाको सहभागिता थियो । कार्यक्रममा बैंकको महत्व, बैंकिङ सेवा, डिजिटल बैंकिङ सेवा र यसको महत्व, क्युआर कोड र डिजिटल बैंकिङ सेवा प्रयोग गर्दा अपनाउनुपर्ने सावधानी समावेश गरिएको थियो। शान्ति फाउन्डेसनका कार्यकारी निर्देशक श्रीमती तामाङले वित्तीय साक्षरता कार्यक्रम आयोजना गरेको र सबैमा बैंकिङको महत्व बुझाएकोमा बैंकलाई धन्यबाद दिए ।

सानिमा बैंकले यसैगरी देशका सातै प्रदेशमा सामाजिक उत्तरदायित्व अन्तर्गत वित्तीय साक्षरता कार्यक्रमहरू आयोजन गर्दै आइरहेको छ । बैंकको देशका सातै प्रदेशमा गरी १२६ कार्यालय र ११४ वटा एटिएम संचालनमा छन् ।