गृहपृष्ठ सस्तिँदै सुनको मूल्य, तोलाको ९९ हजार २०० तोकियो
सस्तिँदै सुनको मूल्य, तोलाको ९९ हजार २०० तोकियो

सुनचाँदीको भाउमा साताको पहिलो दिन आइतबार घटेको छ । नेपाल सुनचाँदी व्यवसायी महासंघका अनुसार नेपाली बजारमा आइतबार सुनको भाउ ६०० रुपैयाँ र चाँदीको भाउ तोलामा १० रुपैयाँले घटेको हो ।
आजका लागि छापावाला सुनको मूल्य तोलाको ९९ हजार २०० रुपैयाँ र तेजावी सुनको मूल्य ९८ हजार ७०० रुपैयाँ तोकिएको छ । शुक्रबार छापावाला सुनको मूल्य तोलाको ९९ हजार ८०० रुपैयाँ र तेजावी सुनको मूल्य ९९ हजार ३०० रुपैयाँमा कारोबार भएको थियो ।
यस्तै आज सुनको मूल्यसँगै चाँदीको मूल्य पनि १० रुपैयाँले घटेको छ । शुक्रबारको तुलनामा चाँदी भाउ तोलामा १० रुपैयाँले घटेर आइतबार तोलाको १ हजार ३७५ रुपैयाँ भाउ निर्धारण गरिएको छ । शुक्रबार चाँदीको मूल्य प्रतितोला १ हजार ३८५ रुपैयाँमा कारोबार भएको थियो ।
प्रकाशित समय : १७:०५ बजे