ज्योति लाइफ इन्स्योरेन्स कम्पनीले सूचना प्रविधिको युगमा आफ्ना ग्राहकलाई लक्षित गरी सेवाहरुलाई थप प्रविधिमैत्री बनाउँदै लाने क्रममा स्वचालित रुपमा ग्राहकको जिज्ञासा मेटाउन र द्रुत सेवा प्रदान गर्न 'ज्योति बट' सेवा सुचारु गरेको छ । अब उप्रान्त ज्योति लाइफका विभिन्न सेवाहरु तथा सेवा प्रदान गर्ने विधिहरुको जानकारी कम्पनीको वेबसाइट, फेसबुक पेजका साथै मोबाइल एपबाटै च्याटमार्फत् स्वचालित रुपमा प्राप्त गर्न सकिने ज्योतिलाइफले कम्पनीले जानकारी गराएको छ ।

च्याटबटमा कम्पनीका विभिन्न सेवाहरुको बारेमा जानकारी लिनका उपयुक्त भाषा रोजेर उपलब्ध विकल्पको छनौट गरी प्रश्न लेखेर जिज्ञासा राख्न सकिनेछ । साथै कम्पनीका विभिन्न सेवाहरु बिमित र अभिकर्तासम्बन्धि जानकारी, कम्पनीको बिमा योजनासम्बन्धि जानकारी र  सो को प्रतिक्रिया, हेल्पडेस्क, अनलाइन भुक्तानी, डाउनलोडहरु तथा अन्य सेवाहरु उपलब्ध छन् । यसैगरी कम्पनीले आगामी दिनहरुमा उक्त च्याटबटमा थप सुविधाहरु राख्दै सो सेवा हरुलाई अझ परिष्कृत बनाउने कुरा उल्लेख गरेको छ । 
 

प्रकाशित समय : ०३:५९ बजे