समता घरेलु लघुवित्त वित्तीय संस्था लिमिटेडको चुक्ता पुँजी ४९.४५ प्रतिशतले बढेको छ । गत आर्थिक वर्षको चौथो त्रैमाससम्मको अपरिष्कृत वित्तीय विवरणअनुसार चुक्ता पुँजी मात्रै नभइ लघुवित्तको अधिकांश सूचकमा सुधार भएको देखिन्छ ।

वित्तीय विवरण समीक्षा अवधिमा जगेडा कोष ४३.११ प्रतिशतले बढेको छ भने लघुवित्तको सापटी ६०.६४ प्रतिशत, निक्षेप ५४.५४ प्रतिशत र कर्जा ५७.९८ प्रतिशत बढेको जनाएको छ । त्यस्तै लघुवित्तको प्रतिसेयर आम्दानी अर्थात् ईपीएस ११.८ रूपैयाँ बढेर ३७.९४ रुपैयाँ पुगेको छ ।

त्यस्तै लघुवित्तको खुद नाफा १११.११ प्रतिशत बढेको छ । खुद ब्याज आम्दानी ६५.९४ प्रतिशत बढेसँगै सम्भावित जोखिम बापतको व्यवस्था ९२ लाख ऋणात्मक हुँदा लघुवित्तको खुद नाफा उल्लेख्य बढ्न पुगेको हो ।

प्रकाशित समय : १८:५२ बजे