Nepalese Flag २०७८ असोज ४ गते सोमबार   |   September 20, 2021

सानिमा लाइफको आइपीओ साउन २० देखि

न्युज कारोबार काठमाडौं साउन १२, २०७८       

सानिमा लाइफको आइपीओ साउन २० देखि

सानिमा लाइफ इन्स्योरेन्सले साउन २० गतेदेखि आइपीओ निष्कासन गर्ने भएको छ । कम्पनीले ६० करोड रुपैयाँ बराबरको ६० लाख कित्ता आइपीओ विक्री गर्न लागेकाे हो । आइपीओ खरीदका लागि न्यूनतम १० कित्तादेखि ३० हजार कित्तासम्मको लागि आवेदन दिन सकिने व्यवस्था छ ।

कम्पनीले सर्वसाधारणमा विक्री गर्ने कुल ६० लाख कित्ता आइपीओमध्ये ५ प्रतिशत अर्थात् ३ लाख कित्ता कर्मचारीलाई र ५ प्रतिशत सामूहिक लागनी कोषलाई सुरक्षित गरी बाँकी ५४ लाख कित्ता सेयर सार्वजनिक निष्कासनमार्फत विक्री गर्ने भएकाे छ । कम्पनीले जारी पूँजीको ३० प्रतिशत सेयर सर्वसाधारणमा विक्री गर्न लागेको हो। आइपीओमा साउन २४ गतेसम्म आवेदन दिन सकिने निष्कासन तथा विक्री प्रबन्धकमा प्रभु क्यापिटल लिमिटेडले जनाएको छ । ढिलोमा भदौ २ गतेसम्मको मिति तय गरेको छ ।

यो आइपीओ विक्री प्रबन्धकसँगै सी-आस्वा सेवामा सहभागी सम्पूर्ण बैंक तथा वित्तीय संस्था र तिनका शाखा कार्यालयबाट आवेदन दिन सकिनेछ । मेरोसेयर वेबसाइट तथा एपमार्फत समेत आवेदन दिन सकिने बताइएको छ । जेठ ९ गते आइपीओ निष्कासनका लागि बोर्डमा निवेदन दिएको कम्पनीले असार ३१ गते बोर्डबाट अनुमति पाएको हो । कम्पनीको आइपीओलाई केयर रेटिङ नेपालले केयर एनपी त्रिपल बी इस्यूअर रेटिङ प्रदान गरेको छ ।

सम्बन्धित खबरहरु