नेपाल सुनचाँदी रत्न तथा आभुषण महासंघले सुनको आयात तथा विक्री वितरण सुचारु गर्न माग गरेको छ । मंगलबार एक विज्ञप्ति जारी गर्दैैै नेपाल राष्ट्र बैंकलाई सुनको आयात तथा विक्री सुचारु गर्न माग गरेको हो ।

लामो समयदेखि कोरोनाका कारण निषेधाज्ञा भएपछि वाणिज्य बैंकहरुले विक्री वितरण गर्ने सुनको आपूर्ति पनि बन्द भएको हुँदा सुचारु गर्न माग गरेको महासंघले जनाएको छ । विज्ञप्तिमा भनिएको छ, ‘मंगलबारदेखि विभिन्न वस्तु र सेवालाई श्रेणीमा वर्गीकरण गरी दैनिक तालिकाअन्तर्गत बार र समयमा व्यवसाय सञ्चालन गर्न सरकारको निर्णयअनुसार बन्द गरिएको सुनको आपूर्तिलाई पनि पुनः सुचारु गर्न माग गर्दछौं ।’

साविकमा दैनिक २० के.जी. सुन विक्री वितरण हुँदै आएकोमा लामो समयपश्चात् बजार खुलेको र निकट भविष्यमा नै प्रमुख चाड–पर्वहरुको समय पनि आउने भएकोले विगतमा विक्री–वितरण नभएको सुनको परिमाण समेतलाई मनन गर्दै दैनिक ३० के.जी. सुन विक्री वितरणको अविलम्ब व्यवस्था गर्न माग गरिएको छ ।

प्रकाशित समय : १६:३६ बजे