नेपाल इन्स्योरेन्स कम्पनी लिमिटेडको स्वामित्वमा रहेको नेपाल क्रेडिट एण्ड कमर्स बैंक लिमिटेडको सेयर बिक्री गर्ने भएको छ । बैंकको संस्थापक समूहअन्तर्गतको ९ लाख कित्ता सेयर बिक्री गर्ने भएको हो ।

संस्थाले जारी गरेको सूचनाअनुसार उक्त संस्थापक सेयरको प्रति कित्ता न्यूनतम मूल्य १४० रुपैयाँ तोकिएको छ । संस्थापक सेयर बोलकबोलको माध्यमबाट न्यूनतम १००० कित्ता र अधिकतम सेयर संख्याको लागि कुनै हद नलाग्ने बैंकले जनाइएको छ । साथै संस्थापक सेयर खरिदका लागि योग्य इच्छुक विद्यमान संस्थापक, अन्य कम्पनी, संघ,संस्था तथा व्यक्तिले असार २ (हिजो) देखि असार १६ गतेसम्ममा बिक्री प्रबन्धक एनआइबीएल एस क्यापिटल लिमिटेड, लाजिम्पाट, काठमाण्डौंमा आइपुग्ने गरी आवेदन पेश गर्नुपर्ने बैंकले जानकारी दिएको छ ।

साथै प्रतिकित्ता आफूले लिन चाहेको दररेटका साथ सम्पूर्ण विवरण खुलाई गोप्य शिलबन्दी बोलपत्रमार्फत आवेदन पेश गर्न सकिने पनि जनाइएको छ ।

प्रकाशित समय : २०:५२ बजे