Nepalese Flag २०७८ साउन १६ गते शनिबार   |   July 31, 2021

आइएमई लाइफ इन्स्योरेन्सको तेस्रो वार्षिक साधारण सभा सम्पन्न

न्युज कारोबार काठमाडौं जेठ ३१, २०७८       

आइएमई लाइफ इन्स्योरेन्सको तेस्रो वार्षिक साधारण सभा सम्पन्न

आइएमई लाइफ इन्स्योरेन्स कम्पनीको तेस्रो वार्षिक साधारण सभा सम्पन्न भएको छ । कार्यक्रम सोमबार कम्पनीका सञ्चालक समितिका अध्यक्ष डा.रामहरि अर्यालको अध्यक्षतामा काठमाण्डौंको लैनचौरस्थित कम्पनीको रजिस्टर्ड तथा कर्पोरेट कार्यलयमा भिडियो कन्फरेन्सका माध्यमबाट सम्पन्न भएको हो ।

सो सभामार्फत कम्पनीले सामान्य प्रस्तावतर्फ आर्थिक वर्ष २०७५/०७६ को सञ्चालक समितिको प्रतिवेदन पारित गर्ने, लेखापरीक्षकको प्रतिवेदनसहितको आर्थिक वर्ष २०७५/०७६ को वासलात गर्ने कार्य गरेको छ । त्यस्तै , नाफा नोक्सान हिसाब, नगद प्रवाह विवरण र तत्सम्बन्धीत अनुसूची तथा NFRS प्रणाली लागु गरी तयार गरीएको वित्तीय विवरणमाथि छलफल गरी पारित गर्ने र कम्पनी ऐन, २०६३ को दफा १११ बमोजिम आर्थिक वर्ष २०७६/०७७ को लेखा परीक्षक नियुक्ति गरी पारिश्रमिक निर्धारण गर्ने कार्य गरेको छ । विशेष प्रस्तावतर्फ कम्पनीले धितोपत्र दर्ता गरी सेयर प्रारम्भिक सार्वजनिक निष्काशन गर्ने, सञ्चालक नियुक्तिलाई अनुमोदन गर्ने लगायतका अन्य कार्य गरेको छ ।

सभामा बोल्दै सभाका अध्यक्ष डा.अर्यालले बिमा व्यसायमा पर्याप्त जनचेतनाको अभाव, दक्ष जनशक्तिको अभाव र बिमा व्यवसायसम्बन्धी साक्षरताको अभाव रहेको बताए । उनले कम्पनीको सो विषयलाई अवसरको रुपमा लिई बिमासम्बन्धी जानकारी, जनचेतना र बिमाको पँहुच न्यून भन्दा न्यून आयस्रोत भएका समूहमा समेत पुर्‍याउन कटिबद्ध रहेको प्रतिबद्धता जाहेर गरे ।

उक्त सभा नेपाल सरकारले तोकेको स्वास्थ्य सुरक्षासम्बन्धी मापदण्डलाई पालन गरी भिडियो कन्फरेन्समार्फत गरिएको थियो । सभामा सञ्चालक समिति तथा व्यवस्थापन समितिका सदस्य तथा विभागीय प्रमुख प्रत्यक्ष उपस्थित रहेको थिए भने सेयधनीले भिडियो कन्फरेन्समार्फत उपस्थिति जनाएका थिए । 

सम्बन्धित खबरहरु