Nepalese Flag २०७८ वैशाख २४ गते शुक्रबार   |   May 07, 2021

नेप्से नयाँ उचाइमा, बजार पुँजीकरण ३७ खर्ब २६ अर्ब रूपैयाँ

न्युज कारोबार काठमाडौं चैत ३१, २०७७       

नेप्से नयाँ उचाइमा, बजार पुँजीकरण ३७ खर्ब २६ अर्ब रूपैयाँ

धितोपत्र बजारमा सेयर कारोबार मापक नेप्से परिसूचक हालसम्मकै उच्च विन्दुमा पुगेको छ । लगातार उकालो लागेको नेप्से वृद्धि क्रम आज पनि जारी रहँदा नयाँ इतिहास कायम भएको हो । 

नेपाल स्टक एक्सचेञ्जका अनुसार नेप्से परिसूचक १७.२० विन्दुले उकालो लागेर दुई हजार ६९१.५५ मा पुगेको छ । नेप्सेले अब दुई हजार ७०० को यात्रा तय गरेको छ । यस्तै, ठूला कम्पनीको शेयर कारोबारमापन गर्ने सेन्सेटिभ परिसूचक ३.७८ विन्दुले उकालो लागेर ४८०.२९ मा पुगेको छ । कूल २१६ कम्पनीको एक करोड ३८ लाख २१ हजार ५७३ कित्ता सेयर सात अर्ब ६१ करोड आठ लाख ८२ हजार ५० रूपैयाँमा कारोबार भयो । 

सोमबारको कारोबारपछि बजार पुँजीकरण ३७ खर्ब २६ अर्ब ८० करोड ६५ लाख ६० हजार रूपैयाँको हाराहारीमा पुगेको छ । यो मुलुकको कूल ग्रार्हस्थ उत्पादन (जीडीपी)को हाराहारी हो । कारोबार भएका कुल १३ उपसमूहमध्ये छ उपसमूहको सेयर ओरालो लागेको छ भने सात उपसमूहको शेयर उकालो लागेको छ । बैंकिङ १७.८१, विकास बैंक ३९.३६, निर्जीवन बीमा १६३.७६, उत्पादन १४.०६, लघुवित्त १८८.५६, जीवन बीमा १९७.७९ र सामूहिक लगानी कोष ०.०२ ले उकालो लागेको छ । यस्तै, व्यापार ६९.६२, होटल तथा पर्यटन ७५.१९, जलविद्युत् ४२.६७, वित्त १.३६, अन्य २९.७२ र लगानी ०.३३ बिन्दुले उकालो लागेको छ । 

कारोवारका आधारमा आज एनआइसी एसिया बैंक शीर्ष स्थानमा छ । सो बैंकको २५ करोड सात लाख १८ हजार ४७६ रूपैयाँ कारोबार भयो । यस्तै, नविल बैंक २४ करोड ५३ लाख ५६ हजार ९६० रूपैयाँ, नेपाल पूर्वाधार बैंक २२ करोड ११ लाख ९७ हजार ५७० रूपैयाँ, नेपाल बैंक २१ करोड ४६ लाख १३ हजार ४९५ रूपैयाँ र गरिमा विकास बैंक १९ करोड ८१ लाख ११ हजार ९५४ रूपैयाँ बराबरको कारोबार भई शीर्ष स्थानमा रहे । 

कारोबारका आधारमा एनआइसि एशिया लघुवित्त ९.९६, महिला लघुवित्त ९.९५, छ्याङ्दी हाइड्रोपावर ९.८७, ज्योति लाइफ इन्स्योरेन्स ९.८६ र सिन्धु विकास बैंकका लगानीकर्ताले ९.८० प्रतिशतले कमाए । यसैगरी साञ्जेन जलविद्युत् कम्पनी ४.४१, हिमाल दोलखा हाइड्रोपावर ३.९५, यूनाइटेड मोदी ३.६५, यूनिभर्सल पावर कम्पनी ३.४७ र रसुवागढी हाइड्रोपावरका लगानीकर्ताले ३.३६ प्रतिशतले गुमाए ।

सम्बन्धित खबरहरु