Nepalese Flag २०७८ वैशाख ४ गते शनिबार   |   April 17, 2021

अष्ट्रेलियाका सिमाना जुनसम्म बन्द नै रहने

न्युज कारोबार काठमाडौं फागुन १९, २०७७       

अष्ट्रेलियाका सिमाना जुनसम्म बन्द नै रहने

अष्ट्रेलियाको अन्तर्राष्ट्रिय सिमाना आगामी जुनसम्म पनि बन्द नै रहने भएको छ । यसअघि पनि लागू हुँदै आएको सिमाना बन्दको निर्णयलाई सरकारले जुनसम्म लम्ब्याउने निर्णय गरेको हो । स्वास्थ्य मन्त्री ग्रेग हन्टले मानव स्वास्थ्यलाई ध्यान दिँदै सीमानाका बन्द गर्ने निर्णयलाई कायमै राख्ने निर्णय भएको मंगलबार जानकारी दिए ।

कोरोनाभाइरसको महामारीका कारण अष्ट्रेलियामा गत वर्ष सन् २०२० को मार्चदेखि सीमानाका बन्द हुँदै आएको छ । 'अत्यावश्यकबाहेक अन्य आवतजावत तथा ओसारपसार बन्द गर्नु पर्ने बाध्यता अझै पनि कायमै छ,' मन्त्री हन्टले भने । अष्ट्रेलिया प्रवेशका लागि विदेशी नागरिकहरुलाई मात्रै प्रतिबन्ध लगाइएको र आफ्ना नागरिकलाई भने कडा मापदण्ड पूरा गरेर आउन पाइने व्यवस्था गरिएको उनले स्पष्ट पारे ।

विषेश र अत्यावश्यक कारण बाहेकका अन्य कारणले अष्ट्रेलियाबाट बाहिर जान पनि निरुत्साहित गरिएको सरकारी अधिकारीहरुको भनाइ छ । अष्ट्रेलियामा मंगलबारसम्म २८ हजार ९८६ जना कोरोनाभाइरसबाट संक्रमित भएका छन् भने ९०९ जनाको मृत्यु भएको छ । (रासस)

सम्बन्धित खबरहरु