नेपालमा २४ घण्टामा२ हजार ४८ जनाको पीसीआर परीक्षण गर्दा थप ८८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार थपिएकामध्ये ३१ महिला र ५७ पुरुष हुन् । यससँगै देशभर कोरोना संक्रमितको कुल संख्या २ लाख ७३ हजार ३५१ पुगेको छ ।

शनिबार थप १३६ जना कोरोना संक्रमित डिस्चार्ज भएका छन् । यससँगै संक्रमणमुक्त हुनेको संख्या २ लाख ६९ हजार ७५५ पुगेको छ । हाल देशभर १ हजार ५३५ जना सक्रिय संक्रमित रहेका छन् । हालसम्म कोरोनाबाट ज्यान गुमाउनेको संख्या २ हजार ६१ पुगेको छ ।

देशभरका २२६ वटा खोप केन्द्रबाट अहिलेसम्म ३ लाख ८३ हजार ३९८ जनालाई कोरोनाविरुद्धको खोप लगाएको मन्त्रालयले जनाएको छ ।

प्रकाशित समय : २३:५१ बजे