भागरथी भट्टका हत्याका आरोपी सार्वजनिक

 बैतडीको दोगडाकेदार गाउँपालिका–७ की १७ वर्षीया किशोरी भागरथी भट्टको बलात्कारपछि हत्यामा संलग्न आरोपी स्थानीय दिनेश भट्टलाई प्रहरीले सार्वजनिक गरेको छ । बुधबार भट्टको हत्यामा संलग्न रहेको अभियोगमा सनातन माद्यमिक विद्यालयमा कक्षा ११ मा पढ्ने दिनेशलाई पक्राउ गरी सार्वजनिक गरेको हो ।

पत्रकार सम्मेलनमा सुदूरपश्चिम प्रदेश प्रहरी प्रमुख उत्तम राज सुवेदीले प्राविधिक प्रमाण, प्रत्यक्षदर्शी साक्षी, साबिती बयान लगायतका आधारमा दिनेशलाई पक्राउ गरिएको बताए । १६ वर्षीय भट्टले आफ्नो अपराध र टाइमलाइनबारे प्रहरीलाई साबिती बयान दिएको प्रहरीले जनाएको छ ।