काठमाडौं उपत्यकासहित देशको धेरै ठाउँको मौसम बदली भएको छ । अहिले काठमाडौंमा पानी परिरहेको छ । मौसम पूर्वानुमान महाशाखाका अनुसार मध्य र पूर्वको धेरै र पश्चिमको थोरै ठाउँमा मेघगर्जन र हुरीबताससहित पानी परिरहेको छ ।

पश्चिमी वायुको प्रभावले मेघगर्जन र हावाहुरी चलेको हो । मंगलबार काठमाण्डौसहित मध्य र पूर्वको मौसम पूर्ण रुपमा खुल्ने संभावना कम रहेको महाशाखाले जनाएको छ ।

मौसम खुले पनि एकैछिनमा बदली हुनेछ । एक दुई ठाउँमा ठूलो पानी पनि पर्न सक्छ । पश्चिमको मौसम भने आंशिक बदली हुने छ । पूर्वी तराईमा हावाहुरी पनि चल्ने भएकाले सावधानी अपनाउन महाशाखाले सुझाव दिएको छ ।

प्रकाशित समय : १३:०४ बजे