ग्लोबल आइएमई बैंकले एकैदिन तीन नयाँ शाखा स्थापना गरेको छ । बैंकले बुधबार डोटको दिपायल सिलगढी नगरपालिका ४ पिपल्ला, दोलखाको भीमेश्वर नगरपालिका २ चरिकोट र भैरहवाको सिद्धार्थनगर नगरपालिका १ स्थित विशेष औद्योगिक क्षेत्र परिसरमा शाखा स्थापना गरेको हो ।

ग्लोबल आइएमई बैंकले सबै क्षेत्र र वर्गसम्म बैंकिङ सेवाको पहुँच पु–याउने उद्देश्यले विभिन्न स्थानमा शाखा, एक्सटेन्सन काउन्टर र शाखारहित बैंकिङ सेवामार्फत ग्राहकलाई बैंकिङ सेवा प्रदान गर्दै आइरहेको छ ।

देशभर ग्लोबल आईएमइ बैंकका १५३ शाखा, ३१ राजस्व संकलन तथा एक्सटेन्सन काउन्टर, १५० एटिएम तथा १९५ शाखारहित बैंकिङ सेवा र नेपालबाहिर ३ प्रतिनिधि/सम्पर्क कार्यालयमार्फत ११ लाखभन्दा बढी ग्राहकलाई सेवा प्रदान गर्दै आइरहेको छ ।

प्रकाशित समय : ००:५३ बजे