अन्तर्राष्ट्रिय क्रिकेट काउन्सिल (आईसीसी)ले भारतका फास्ट बलर अर्शदीप सिंहलाई जरिबाना तिराउने भएको छ । मंगलबार आईसीसीले गत आइतबार सम्पन्न न्युजिल्यान्डविरुद्धको फाइनलमा डार्यल मिचेलप्रति आक्रामक रूपमा प्रस्तुत भएको जनाउँदै अर्शदीपलाई खेल शल्कको १५ प्रतिशत जरिबाना तिराउने निर्णय गरेको हो ।

अर्शदीपले फाइनलको ११औँ ओभरमा मिचेलको फितलो प्रहार समाइसकेपछि पनि उनीतर्फ फ्याक्दा डार्यलको खुट्टाको प्याडमा लागेको थियो । आईसीसीले अर्शदीपको यही क्रियाकलाप आचारसंहिताविपरीत रहेको जनाएको हो ।

आईसीसीको आचारसंहितामा कुनै पनि क्रिकेटरमाथि बल फ्याक्ने वा क्रिकेटरविरुद्ध संवेदनशील र आपत्तिजनक क्रियाकलाप गर्न नहुने उल्लेख छ । आईसीसीका अनुसार, अर्शदीपको कार्य यस आचारसंहिताविपरीत भएको हो ।

प्रकाशित समय : १८:०७ बजे