भारतले अफगानिस्तानसँग एक टेस्ट र तीन एकदिवसीय सिरिज खेल्ने भएको छ । अफगानिस्तानले आउँदो जुन महिनामा सिरिजका लागि भारत भ्रमण गर्ने भएको हो ।

दुई टोलीले जुन ६ मा टेस्ट खेल्नेछन् । त्यसपछि क्रमशः जुन १४, १७ र २० मा एकदिवसीय क्रिकेट खेल्ने तालिका रहेको आज भारतीय क्रिकेट कन्ट्रोल बोर्ड (बिसिसिआई)ले जानकारी दिएको हो ।

टेस्ट खेल भारतको न्यू चण्डीगढमा हुने छ भने पहिलो एकदिवसीय क्रिकेट धर्मशालामा हुनेछ । त्यस्तै, दोस्रो खेल लखनउमा हुनेछ भने तेस्रो खेल चेन्नईमा हुनेछ । यो सिरिज आइपीएल समाप्त भएको ६ दिनपछि शुरु हुनेछ ।

प्रकाशित समय : १९:५३ बजे