नेपाल राष्ट्र बैंकले कर्णाली विकास बैंकका सञ्चालकहरूलाई १० दिनभित्र स्पष्टीकरण पेस गर्न ताकेता गरेको छ । राष्ट्र बैंकले यही फागुन १६ गतेको मिति राखेर उक्त मितिले १० दिनभित्रमा स्पष्टीकरण पेस गर्न निर्देशन दिएको हो ।

राष्ट्र बैंकले स्पष्टीकरण पेस गर्न आउनेबारेमा सूचना जारी गर्दै भनेको छ, ‘समस्याग्रस्त कर्णाली डेभलपमेन्ट बैंक लिमिटेडका तत्कालीन सञ्चालक समितिका अध्यक्ष डा. ओमप्रकाश मिश्र तथा सदस्यहरू युवराज अधिकारी, उषा कुमारी भण्डारी, टंक बहादुर बस्नेत, निसार अहमद दर्जीलाई सञ्चालकको पदबाट बर्खास्त गर्नु नपर्ने कुनै कारण भए आफ्नो सफाइ तथा स्पष्टीकरण १५ दिनभित्र यस बैंकसमक्ष प्रस्तुत गर्न मिति २०८२/०६/८ को पत्रमार्फत पत्राचार गरिएकोमा निजहरूबाट उक्त अवधिमा कुनै जवाफ पेस नभएको सन्दर्भमा निजहरूलाई यो सूचना प्रकाशित भएको १० दिनभित्र निम्नबमोजिमका कुनै एक स्थानमा आफ्नो स्पष्टीकरण पेस गर्नुहुन सूचित गरिन्छ ।’

प्रकाशित समय : १२:२३ बजे