मकवानपुरको बकैया गाउँपालिका–११ लेनडाँडा नजिकैको कान्ति लोकपथ सडकखण्डमा शुक्रवार बिहान मिनि ट्रक दुर्घटना हुँदा सडक पूर्ण रूपमा अवरुद्ध भएको छ ।

प्रहरीका अनुसार बारा जिल्लाबाट परालको भुस लोड गरी काठमाडौंतर्फ जाँदै गरेको मधेश प्रदेश–०३–००२ ख १३६५ नम्बरको मिनिट्रक सडकको खाल्डाखुल्डी र चिप्लो भागमा अनियन्त्रित भई बीच सडकमै पल्टिएको हो । दुर्घटना बिहान करिव ७ बजेतिर भएको बताइन्छ ।

घटनाको जानकारी प्राप्तहुनासाथ अस्थायी प्रहरी पोष्ट जितपुर भञ्याङबाट प्रहरी सहायक निरीक्षक (प्र.स.नि) सुरेन्द्र दरैको कमाण्डमा खटिएको प्रहरी टोली तत्काल घटनास्थलमा पुगेको थियो ।

प्रारम्भिक अनुसन्धान अनुसार दुर्घटनामा कुनै मानवीय क्षति नभएको प्रहरीले जनाएको छ । चालक समिर तामाङ बारा–कोल्बी नगरपालिका निवासी हुन् । उनी प्रहरी सम्पर्कमा रहेका छन् ।

प्रकाशित समय : १०:४६ बजे