काठमाडौं । भाद्र २४ गते जेनजी आन्दोलनका क्रममा काठमाडौंमा विभिन्न सरकारी तथा निजी निकायका संरचना एवम सम्पत्तिमा ठूलो क्षति पु-याएको छ।

आन्दोलनकारीले सडकमा उग्र प्रदर्शन गर्दै भवन, सवारी साधन र कार्यालयका उपकरणमा व्यापक तोडफोड गरेका थिए। यस क्रममा उद्योग विभागको भवन समेत तोडफोडमा परेको छ।

आन्दोलनका क्रममा केही व्यक्तिहरूले विभागको कार्यालयमा प्रवेश गरी यातायातका साधन, कम्प्युटर, फर्निचर लगायत भौतिक संरचनामा क्षति पु-याएको पाइएको छ ।

उद्योग विभाग कार्यालयका निर्देशक पशुपति पुरीका अनुसार आन्दोलन पछि कार्यालयमा ठूलो मात्रामा क्षति भएपनि सेवामा भने पूर्णरुपमा अवरोध हुन दिइएको छैन्।

उनले आन्दोलनको दुई दिनपछिविभागले आफ्नो सेवा सुचारु गरिसकेको जानकारी दिए। ‘बाहिरबाट हेर्दा क्षति धेरै भएको देखिन्छ, तर हाम्रो प्राथमिकता नागरिकलाई सेवादिनु हो,’उनले भने,‘त्यसैले भौतिक क्षतिभएपनि काम रोकिएको छैन ।’

पुरीका अनुसार अहिले विभागले क्षतिको विवरण संकलन गरी मूल्यांकनको चरणमा ल्याएको छ। आन्दोलनकारीले भवनबाहिर मात्रनभई कार्यालय भित्र प्रवेश गरेर कम्प्युटर र महत्वपूर्ण फाइल समेत तोडफोड गरेको विभागले जनाएको छ।

‘भौतिक संरचनापुन र्निर्माण तत्काल सम्भव छैन,’ पुरीले भने,‘तर सेवामा अवरोध हुनदिने छैनौं। पुनर्निर्माणको सवालमा सरकारले छिट्टै ठोस निर्णय लिने अपेक्षा गरेका छौं।’

उनले आन्दोलनको स्वरुपबारे मिश्रित धारणा राखेका छन्। सुरुवातमा केही नियम सुधारका माग सहित आन्दोलन सुरु भएपनि पछि यसमा अन्य समूहघुसपैठ गरी लुटपाट र तोडफोड गरेको देखिएको बताए।

‘शान्तिपूर्ण सुधारका लागिआन्दोलन हुनु सकारात्मक हो, तर यतिउग्ररुप लिने अवस्था जेनजीहरूले मात्रबनाउन सक्दैनन्, अरु समूहपनि संलग्न भएको देखिन्छ,’उनले भने ।

यसैबीच, विभागले सेवामा निरन्तरता दिइरहेको छ । कार्यालय बाहिर क्षतिग्रस्त दृश्य भए पनि भित्र भने सामान्य काम काज सञ्चालन भइरहेका छन्। उद्योग विभागले हालका लागि प्राथमिकता सेवा सुचारु राख्ने, क्षतिविवरण संकलन गर्ने र दीर्घकालीन रुपमा पुनर्निर्माणतर्फ सरकारले ध्यान दिने बताए ।