गृहपृष्ठ मधेशमा सिंचाइः आठ रुपैयाँ प्रतियूनिटको विद्युत अब तीन रुपैयाँमा
मधेशमा सिंचाइः आठ रुपैयाँ प्रतियूनिटको विद्युत अब तीन रुपैयाँमा
पानी अभावमा धान रोप्न नपाएका मधेशका किसानलाई राहतको खबर आएको छ । जब प्रधानमन्त्री केपी शर्मा ओलीद्वारा मधेसमा तत्काल ५ सय बोरिङ खन्ने घोषणा गरियो तब यस सन्दर्भमा विद्युत् आपूर्तिको अवस्था बुझ्न प्राधिकरणका कार्यकारी निर्देशक हितेन्द्रदेव शाक्य स्वयं जनकपुरधाम पुगेका थिए ।
नेपाल विद्युत् प्राधिकरणले मधेसका सुख्खाग्रस्त जिल्लाहरूमा सिंचाइका लागि आवश्यक पर्ने विद्युत् सस्तो दरमा उपलब्ध गराउने घोषणा गरेको छ। अब किसानहरूले प्रतियुनिट ८ रुपैयाँ पर्ने विद्युत् केवल ३ रुपैयाँमा पाउने छन् ।
चितवनमा विद्युत् आपूर्तिको अवस्था निरीक्षण गरी फर्किएका शाक्यले मधेस प्रदेश अन्तर्गतका सिराहा, धनुषा, महोत्तरी, सर्लाही, सप्तरी लगायतका जिल्लाका विद्युत् कार्यालय प्रमुखहरूसँग विद्युत् आपूर्ति रणनीति बारे विस्तृत छलफल गरे ।
सिंचाइका लागि आवश्यक पर्ने विद्युत् आपूर्ति गर्न प्राधिकरण पूर्ण रूपमा तयार छ, निर्देशक शाक्यले भने,तर बोरिङ कहाँ खनिन्छ भन्ने जानकारी सम्बन्धित निकायबाट प्राप्त भएको छैन ।
प्रकाशित समय : १८:२८ बजे
